भंडारा : येथील जिल्हा सामान्य रुग्णालयात नवजात बालकांसाठीच्या अतिदक्षता कक्षाला शनिवारी (ता. ९) रात्री लागलेल्या आगीमध्ये १० बालके दगावली असून सात जणांना वाचविण्यात आले आहे. या घटनेमुळे अवघे राज्य सुन्न झाले आहे. राज्य सरकारने या घटनेच्या उच्चस्तरीय चौकशीचे आदेश दिले असून त्यासाठी समितीही स्थापन करण्यात आली आहे.
रुग्णालयाच्या कक्षातून रात्री अडीचच्या सुमारास धूर येत असल्याचे पाहून परिचारिकेने लगेच डॉक्टरांना माहिती दिली. यानंतर नगर परिषदेच्या अग्निशमन दलाने आग विझविली. मात्र यात होरपळल्याने तीन बालकांचा मृत्यू झाला तर कक्षातील धुरामुळे श्वास गुदमरून इतर सात चिमुकले मरण पावले. या घटनेनंतर शेजारच्या कक्षातील इनक्युबेटर व इतर यंत्रसामग्री अन्यत्र हलवून पेइंग वॉर्डात तात्पुरती व्यवस्था करण्यात आली व बचावलेल्या सात बालकांना तेथे हलविण्यात आले. मृतांमध्ये आठ मुली व दोन मुलांचा समावेश आहे.
सर्वप्रथम परिचारिकेला समजले
या रुग्णालयात अतिदक्षता कक्षाच्या बाजूला परिचारिकांसाठी छोटा कक्ष आहे, आग लागली तेव्हा तिथे दोन परिचारिका होत्या. त्यातील एकीला कक्षातून धूर येत असल्याचे दिसल्यामुळे तिने आत जाऊन बघितले असता तिला एक इनक्युबेटर जळत असल्याचे दिसले. तिने लगेच ही माहिती डॉक्टरांना दिल्यानंतर आग विझविण्याचे प्रयत्न सुरू झाले. मात्र, आगीवर नियंत्रण मिळेपर्यंत दहा कोवळ्या जिवांचा अंत झाला होता.
रुग्णालयात आग प्रतिबंधक यंत्रणा नाही
या रुग्णालयाचे फायर ऑडिट झाले नव्हते. रुग्णालयात आग तसेच इलेक्ट्रिकल सामग्रीचे ऑडिट करण्यासाठी ८ मे २०२० ला एक कोटी ५२ लाख रुपये खर्चाचा अहवाल शासनाकडे पाठविण्यात आला होता. परंतु, निधी मंजूर न झाल्याने ही कामे झालीच नाही. त्यामुळे ही दुर्घटना घडल्याचे बोलले जाते. या घटनेसाठी जबाबदार असलेल्यांवर सदोष मनुष्यवधाचा गुन्हा दाखल करून त्यांच्यावर कारवाई करण्यात यावी, अशी मागणी होत आहे.
भंडारा : येथील जिल्हा सामान्य रुग्णालयात नवजात बालकांसाठीच्या अतिदक्षता कक्षाला शनिवारी (ता. ९) रात्री लागलेल्या आगीमध्ये १० बालके दगावली असून सात जणांना वाचविण्यात आले आहे. या घटनेमुळे अवघे राज्य सुन्न झाले आहे. राज्य सरकारने या घटनेच्या उच्चस्तरीय चौकशीचे आदेश दिले असून त्यासाठी समितीही स्थापन करण्यात आली आहे.
रुग्णालयाच्या कक्षातून रात्री अडीचच्या सुमारास धूर येत असल्याचे पाहून परिचारिकेने लगेच डॉक्टरांना माहिती दिली. यानंतर नगर परिषदेच्या अग्निशमन दलाने आग विझविली. मात्र यात होरपळल्याने तीन बालकांचा मृत्यू झाला तर कक्षातील धुरामुळे श्वास गुदमरून इतर सात चिमुकले मरण पावले. या घटनेनंतर शेजारच्या कक्षातील इनक्युबेटर व इतर यंत्रसामग्री अन्यत्र हलवून पेइंग वॉर्डात तात्पुरती व्यवस्था करण्यात आली व बचावलेल्या सात बालकांना तेथे हलविण्यात आले. मृतांमध्ये आठ मुली व दोन मुलांचा समावेश आहे.
सर्वप्रथम परिचारिकेला समजले
या रुग्णालयात अतिदक्षता कक्षाच्या बाजूला परिचारिकांसाठी छोटा कक्ष आहे, आग लागली तेव्हा तिथे दोन परिचारिका होत्या. त्यातील एकीला कक्षातून धूर येत असल्याचे दिसल्यामुळे तिने आत जाऊन बघितले असता तिला एक इनक्युबेटर जळत असल्याचे दिसले. तिने लगेच ही माहिती डॉक्टरांना दिल्यानंतर आग विझविण्याचे प्रयत्न सुरू झाले. मात्र, आगीवर नियंत्रण मिळेपर्यंत दहा कोवळ्या जिवांचा अंत झाला होता.
रुग्णालयात आग प्रतिबंधक यंत्रणा नाही
या रुग्णालयाचे फायर ऑडिट झाले नव्हते. रुग्णालयात आग तसेच इलेक्ट्रिकल सामग्रीचे ऑडिट करण्यासाठी ८ मे २०२० ला एक कोटी ५२ लाख रुपये खर्चाचा अहवाल शासनाकडे पाठविण्यात आला होता. परंतु, निधी मंजूर न झाल्याने ही कामे झालीच नाही. त्यामुळे ही दुर्घटना घडल्याचे बोलले जाते. या घटनेसाठी जबाबदार असलेल्यांवर सदोष मनुष्यवधाचा गुन्हा दाखल करून त्यांच्यावर कारवाई करण्यात यावी, अशी मागणी होत आहे.
