Monsoon Update : आयो रे…! पुढचे तीन दिवस पावसाचेचं…! ‘या’ जिल्ह्यात कोसळणार पाण्या, हवामान विभागाचा अंदाज

Monsoon Update: राज्यात मान्सूनचे (Monsoon) आगमन जरी दहा जूनला झाले असले तरी राज्यात 18 ते 19 जून पर्यंत मोसमी पावसाच्या सऱ्या दक्षिण कोकण व राजधानी मुंबई (Mumbai) वगळता इतरत्र कुठेच बघायला मिळाल्या नव्हत्या. मात्र 19 तारखेपासून मोसमी पावसासाठी (Monsoon Rain) पोषक वातावरण तयार झाल्याने राज्यात सर्वत्र वरुण राजाची हजेरी बघायला मिळत आहे.

दरम्यान, भारतीय हवामान विभागाचा (Indian Meteorological Department) नवीनतम ताजा अंदाज सार्वजनिक करण्यात आला आहे. मित्रांनो, खरं पाहता गेल्या अनेक दिवसांपासून देशातील अनेक भागात मान्सून (Monsoon News) आणि मान्सूनपूर्व सरी (Pre Monsoon Rain) बरसत आहेत. या पावसाने देशातील तमाम नागरिकांना उष्णतेपासून मोठा दिलासा दिला आहे. यामुळे शेतकरी बांधवांच्या आशा पल्लवीत झाल्या असून आपल्या राज्यातील शेतकरी बांधव (Farmer) पेरणीसाठी पुढे सरसावला आहे, तर राज्यातील अनेक शेतकरी बांधवांनी धूळपेरणी उरकली असल्याने अशा शेतकऱ्यांचा देखील या पावसामुळे आता फायदा झाला आहे.

आता देशातील अनेक राज्यांमध्ये मान्सूनचे आगमन झाले असून मोसमी पावसाला सुरुवात झाली आहे. दक्षिणेकडील राज्यांमध्ये मुसळधार पाऊस पडत आहे. दरम्यान, कर्नाटक, केरळ, गोव्यासह अनेक राज्यांमध्ये पुढील पाच दिवस मुसळधार पावसाची शक्यता हवामान खात्याने (IMD) वर्तवली आहे. यासोबतच भारतीय हवामान विभागाने बिहार-झारखंडसह इतर अनेक राज्यांसाठी पावसाचा इशारा दिला आहे. अरुणाचल प्रदेश, आसाम आणि मेघालयात काही ठिकाणी मुसळधार पावसाची शक्यता आहे.

हवामान खात्याच्या ताज्या अपडेटनुसार, कर्नाटक, कोकण, गोवा, केरळ, माहे आणि लक्षद्वीपमध्ये गडगडाट होण्याची शक्यता आहे.  यासोबतच झारखंड, बिहार, राजस्थान, मध्य महाराष्ट्र, मराठवाडा, आंध्र प्रदेश आणि लक्षद्वीपमध्येही पावसाचा अंदाज आयएमडीने वर्तवला आहे. यानम, तेलंगणा, तामिळनाडू, पुडुचेरी आणि कराईकलमध्ये पुढील पाच दिवसांत पावसाचा इशाराही जारी करण्यात आला आहे.

यासोबतच बंगालच्या उपसागरापासून ईशान्य आणि लगतच्या पूर्व भारतात दक्षिण, नैऋत्य वाऱ्यांच्या प्रभावामुळे 25 आणि 26 जून रोजी जोरदार पावसाची शक्यता आहे. याशिवाय 23 आणि 24 तारखेला विदर्भात पाऊस पडेल.

विशेष म्हणजे, गेल्या 24 तासांत जम्मू-काश्मीर, विदर्भाचा काही भाग, दक्षिण मध्य प्रदेश आणि झारखंड, राजस्थान, मराठवाडा आणि उत्तराखंडमध्ये हलक्या ते मध्यम स्वरूपाचा पाऊस झाला.

यासह मान्सून आता उत्तर भारताकडे वेगाने सरकत आहे.  मान्सूनपूर्व पावसामुळे अनेक राज्यांमध्ये गेल्या काही दिवसांपासून पावसाची प्रक्रिया सातत्याने सुरू आहे.  हवामान खात्याच्या म्हणण्यानुसार, येत्या काही दिवसांत वाऱ्याची दिशा पश्चिमेकडून पूर्वेकडे बदलेल, त्यामुळे 28 जूनपासून दिल्ली-एनसीआरमध्ये पावसाची शक्यता आहे.  एका अंदाजानुसार, 28 ते 30 जून दरम्यान दिल्ली-एनसीआरमध्ये मान्सून दाखल होऊ शकतो.  स्कायमेट हवामानाच्या अंदाजानुसार, यावर्षी पाऊस 30 जूनपर्यंत पोहोचण्याची शक्यता आहे.

स्कायमेट हवामानानुसार, पुढील 24 तासांत सिक्कीम, उप-हिमालयीन पश्चिम बंगाल, आसामचा काही भाग, मेघालय, कोकण आणि गोवा, किनारी कर्नाटक, अंदमान आणि निकोबार बेटांवर मुसळधार पावसासह हलका ते मध्यम स्वरूपाचा पाऊस पडण्याची दाट शक्यता आहे.