RIP Rishi Kapoor : ज्येष्ठ अभिनेते ऋषी कपूर यांचे निधन

ज्येष्ठ अभिनेते ऋषी कपूर यांचे मुंबईत निधन झाले. ते ६७ वर्षांचे होते. बुधवारी त्यांना मुंबईतील रूग्णालयात दाखल करण्यात आले होते. गेल्या वर्षी सप्टेंबरमध्ये अमेरिकेत कर्करोगावर उपचार घेतल्यानंतर ऋषी कपूर सप्टेंबरमध्ये भारतात परतले होते. त्यानंतर फेब्रुवारीमध्ये ऋषी कपूर यांना दोनदा रुग्णालयात दाखल करण्यात आले होते.

मुंबईः बॉलिवूडचे ज्येष्ठ अभिनेते ऋषी कपूर यांनी मुंबईच्या रिलायन्स फाउंडेशन हॉस्पिटलमध्ये अखेरचा  श्वास घेतला. ते ६७ वर्षांचे होते. मनोरंजनसृष्टीत ते चिंटू  या नावाने प्रसिद्ध  होते. 

तब्येत बिघडल्यामुळे ऋषी कपूर यांना एच एन रिलायन्स फाउंडेशन हॉस्पिटलमध्ये दाखल करण्यात आले होते. डॉक्टरांनी त्यांना वाचवण्यासाठी प्रयत्नांची शर्थ केली. पण आज सकाळी सर्व प्रयत्न अपयशी ठरले. आदल्याच दिवशी अभिनेता इरफान खान याच्या निधनामुळे बॉललिवूडमध्ये शोककळा पसरली होती. लागोपाठ ही दुसरी दुःखद बातमी धडकली आहे. सलग दोन दिवसांमध्ये बॉलिवूडच्या २ प्रथितयश कलाकारांचे निधन झाले.

Leave a Comment

X